GOVPH

Mas pinalakas na Philippine Coast Guard

• Print

Details

Published: 17 June 2021

Sa virtual presser ng Presidential Communications Operations Office (PCOO) kahapon, ika-16 ng Hunyo 2021, ibinahagi ni Department of Transportation (DOTr) Secretary Art Tugade ang mga pagbabagong naisakatuparan sa Philippine Coast Guard (PCG) sa nakalipas na limang taon.

"Alam niyo 'ho ba noong nag-assume ako, ang populasyon lang ng Philippine Coast Guard ay LESS THAN 6,000? As we speak today, yung Philippine Coast Guard ‘ho 18,500 STRONG na ‘yan and continuing kasi papaano mo pangangalagaan yung karagatan? Papaano mo titingnan yung SECURITY, RESCUE, RELIEF OPERATION kung wala kang tao? Kaya nga ba’t minabuti namin, kasama ko si Commandant, Admiral Ursabia na palawigin at dagdagan ang PERSONNEL COMPONENT ng ating Philippine Coast Guard," pahayag ni Secretary Tugade.

Sinalaysay din ng Kalihim na kasabay ng pagpapalakas sa pwersa ng Coast Guard ay ang pagpapalawak ng maritime at aerial asset ng serbisyo.

Read more: Mas pinalakas na Philippine Coast Guard

Coast Guard working dogs ng PCG Southern Mindanao, bakunado na!

• Print

Details

Published: 17 June 2021

Bakunado na ang anim na working dogs ng Philippine Coast Guard (PCG) K9 Field Operating Unit – Southern Mindanao, matapos ang kanilang annual veterinary check-up at health monitoring, sa tulong ng PCG Veterinary Service noong ika-15 ng Hunyo 2021.

Liban sa pagpapabakuna, sumailalim din ang mga Coast Guard Working Dogs (CGWDs) sa deworming at kennel inspection para masiguro ang kanilang proteksyon laban sa anumang sakit habang patuloy na nagseserbisyo sa gitna ng pandemya.

PCG, rumesponde sa 14 na pasahero ng bangkang nasiraan sa katubigan ng Antique

• Print

Details

Published: 17 June 2021

Rumesponde ang Philippine Coast Guard (PCG) sa 14 na pasahero ng bangkang nasiraan habang binabaybay ang katubigan ng Caluya, Antique, partikular sa gitna ng Sibolo Island at Semirara Island, noong ika-15 ng Hunyo 2021.

Biyahe mula Liwagao Island papuntang Barangay Dawis, Caluya ang MBCA FRINCE ZOEY nang hindi inaasahang makaranas ng ‘engine trouble’.

Agad na sumaklolo ang joint search and rescue (SAR) team ng PCG Sub-Station Semirara at PCG Sub-Station Caluya, katuwang ang Philippine National Police (PNP), Municipal Disaster Risk Reduction and Management Office (MDRRMO), at Disaster Response Team (DRT) ng Semirara, para masiguro ang kaligtasan at matiwasay na pag-uwi ng mga pasahero.